Կան կարիքավոր երեխաներ, որոնք Ձեր օգնության կարիքն ունեն: Նրանց Ամանորը հեքիաթային դարձնելու համար SmartClick-ը մեկնարկում է SmartGift նոր նախագիծը, որի նպատակն է իրագործել կարիքավոր փոքրիկների ամանորյա ցանկությունները։
Ծրագրի շրջանակներում փոքրիկները հնարավորություն կունենան նամակ ուղղել Սանտային։ Նրանց ցանկությունը կիրականացվի Սանտա Կլաուսի կողմից այս դեկտեմբերին, տոներին ընդառաջ:

Բոլոր նրանք, ովքեր ցանկանում են միանալ նախաձեռնությանը և աջակցել կարիքավոր փոքրիկների ցանկությունների իրականացմանը, կարող են ընտրել իրենց դուր եկած նամակը կամ նվեր-ցանկության նախընտրելի տարբերակը առցանց SmartGift.am կայքում։ Կայքում նվերը ընտրելուց և մի քանի տվյալներ լրացնելուց հետո նվիրատու անձը կստանա էլ.նամակ համարով, որը պետք է կցվի նվերին։

Նվերը գնելուց և էլ.փոստով ստացված համարը դրան կցելուց հետո խնդրում ենք նվերը թողնել հատուկ նվերների պարկում, որը տեղադրված է SmartClick-ի գրասենյակում, Հակոբ Հակոբյան 3 հասցեում, երկրորդ հարկում (Մերգելյան ինստիտուտի տարածքում)։ Բոլոր նվերները կհավաքվեն SmartClick-ում, այնուհետև կհանձնվեն երեխաներին Սանտայի կողմից։
Օգնի՛ր կարիքավոր փոքրիկներին։ Իրականացրու՛ նրանց ամանորյա ցանկությունը։ Միասին կարող ենք ուրախ, երջանիկ ու հեքիաթային Ամանոր պարգևել կարիքավոր ընտանիքներին։